[美食攻略]
灣仔最近開左間新既泰國餐廳，係由前身既日本餐廳bubble sushi改裝而成, 做就佢成為一間有日式風格既泰國餐廳。
午餐黎講，選擇都算多，而且份量都真係幾大份！一坐底，先會有杯香茅茶，個味真係幾清新！食物方面，個人推介個冬陰公湯粉絲，個冬陰公湯底好香，唔會好辣，而且酸味比較重，好好味！個份量好大，男仔食都會覺得好飽！至於個香茅豬扒飯，個豬扒好淋，而且又唔會太“鞋”，而且個味好香，個汁好特別，甜甜地，好惹味，同個豬扒好夾！
餐廳有個招牌菜叫泰式波子雞飯，其實只係普通既海南雞飯，不過啲飯就變成一個個波既形狀！個雞唔算係特別滑，而且個味相對比較淡，我真係覺得麻麻地！
餐廳午市人均消費為HKD$80-90, 價錢都算合理既！一試無妨！
泰園
灣仔軒尼詩道256號The Hennessy3樓
Search